Министерството за здравство подготвува предлог-закон за изменување и дополнување на Законот за лековите и медицинските помагала. Во образложението се вели дека согласно Законот за лековите и медицинските со Агенцијата за лекови и медицински средства раководи директор на Агенцијата.
„Условите и постапката за именување, времетраењето на мандатот и овластувањата на директорот се уредени со Законот. Од досегашното искуство во примената на Законот во делот на работата на директорот и функционирањето на Агенцијата се констатира дека, заради непостоење на заменик, во случај на отсуство на директорот, се јавува проблем во ефикасното вршење на работите“, пишува во образложението.
Главна цел на измените на законот е да се обезбеди непречено и навремено функционирање на Агенцијата за лекови и медицински средства.