еМагазин
Image default
Македонија ТОП СТОРИИ

Пендаровски издаде наредба за подготовка на контингент војници и средства за помош на Словенија

Претседателот Стево Пендаровски како врховен командант на вооружените сили на Армијата на Македонија издаде наредба до началникот на Генералштабот на Армијата да се преземат мерки за подготовка на контингент војници и материјално-технички средства коишто најскоро би биле упатени во Словенија за помош во справувањето со последиците од катастрофалните поплави кои ја погодија целата земја.

Како што се наведува во соопштението од Кабинетот на шефот на државата, претседателот Пендаровски претходно во разговор со словенечката претседателка Наташа Пирц-Мусар изрази жалење и сочувство до Словенија и сите нејзини жители за загубите и штетите претрпени во поплавите кои беа со огромен размер и искажа подготвеност за помош.

-Словенија е голем пријател на Северна Македонија, дом на многу наши сограѓани, наш сојузник во НАТО, држава со која соработуваме во повеќе процеси и иницијативи, а целиме да имаме и заедничка иднина во рамки на ЕУ.

Македонското општество се сеќава на помошта која Словенија ни ја дала во минатото при справување со природни непогоди и ние сме подготвени да помогнеме согласно искажаните потреби од словенечката страна во рамки на нашите можности, се наведува во соопштението од Кабинетот на претседателот Пендаровски.

ПОВРЗАНИ ВЕСТИ

Поради поплавите, Македонија ќе испраќа војници во Словенија, побарана помош и во механизација

Фото: Кабинет на претседателот

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Инфлацијата забавува, но се уште е над историскиот просек, оценува Народна банка

Редакција

Нови 1.128 случаи на Ковид-19 од 3.082 тестирања, најмногу во Скопје 569

Редакција

ЛДП избра нови потпретседатели

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница