По пет месеци е потврдено дека телото извлечено од бездна кај Демир Капија кон крајот на март годинава е на Илија Лазаревиќ од Демир Капија, кој се водеше како исчезнат две години.
Кога исчезна во април 2021 година имаше 30 години.
Информацијата на Фејсбук ја соопшти неговата мајка, Снежана.
„По две години потрага по нашиот син и брат Илија Лазаревиќ од Демир Капија наместо добра и убава вест да слушнам, слушнав тажна вест дека мојот син е најден мртов во Демир Капија на Просек во провалија. Погребот ќе биде утре, во 10 часот ќе биде изложен во капелата, а погребот ќе биде во 11 часот“, соопшти таа.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.