Во текот на месец јули, пријавени се шест случаи на ХИВ/СИДА, стои во билтенот на Институтот за јавно здравје за движењето на акутните заразни заболувања во Македонија во јули.
Од пријавените лица, сите се од машки пол. Три лица се од Скопје и по едно лице од Кочани, Тетово и Прилеп.
Лицата се на возраст од 28-51 години. Сите заболени лица се од МСМ популацијата.
Во текот на месец јули не се регистрирани смртни случаи од ХИВ/СИДА.
Согласно постоечката евиденција на пријавени случаи (заклучно со 31.07.2023 година), кумулативниот број на лица регистрирани со ХИВ/СИДА во Македонија, за периодот 1987–2023 година, изнесува 612, и тоа: 123 лица починале, а 489 лице живеат со ХИВ/СИДА.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.