Полицијата од Секторот за внатрешни работи Струмица вчера ги лишила од слобода С.С. (43), Д.Ј. (33), П.С. (40), И.Г. (26), И.В. (41), Т.С. (37), Р.С. (52), А.С. (43), В.К. (39), Т.В. (21), Ж.М. (33) и уште едно малолетно лице, сите од село Баница, и М.Ѓ. (23) од струмичкото село Градско Балдовци..
Тие се сомничат дека завчера во 23 часот во село Баница насилнно запреле цивилно полициско возило „шкода“, управувано од полициски сужбеник од СВР Струмица, кој во моментот извршувал службени задачи.
-Најнапред со дрвени, бетонски и метални предмети удирале по возилото, а потоа физички го нападнале полицискиот службеник со повеќе предмети.
Полицискиот службеник се здобил со тешки телесни повреди, констатирани во Медицински центар Струмица.
Лицата биле задржани во полициската станица Струмица, а за настанот бил запознаен јавен обвинител од Основното јавно обвинителство Струмица, соопшти МВР.
Поднесена е кривична пријава против 12 лица од Баница и против едно лице од Градско Балдовци, осомничени за кривично дело „Напад врз службено лице при вршење работи на безбедноста“ по член 383 став 3 од Кривичниот закон.