еМагазин
Свет ТОП СТОРИИ

НАТО започна со вежби со нуклеарно оружје во Европа

НАТО ги започна своите годишни воени вежби со нуклеарно оружје, потврди денеска за ДПА портпаролот на западната одбранбена Алијанса

До 60 авиони ќе бидат вклучени во вежбата „Steadfast Noon“, која ќе трае до четврток следната недела. Тие вклучуваат модерни борбени авиони, но и авиони за надзор и танкер, како и бомбардери Б-52 со долг дострел.

Оваа година маневрите се одвиваат главно во воздушниот простор над Италија, Хрватска и Медитеранот. Учествуваат вкупно 13 членки на Алијансата.

Генералниот секретар на НАТО, Јенс Столтенберг минатата недела изјави дека руската војна против Украина е потсетник за важната улога на нуклеарното оружје за одвраќање. Иако се работи за рутинска вежба за обука, маневрите ќе помогнат да се обезбеди кредибилитет, ефективност и безбедност на нуклеарното одвраќање, рече тој.

НАТО не објави никакви детали за вежбата и сценариото што го вклучува.

МИА/Фото: Влада

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Џафери, прашан за синот, тврди оти никогаш, никаде и никому не вршел притисок за членови на семејството

Редакција

Кој се заканува да не се продадат становите на Мијалков?

Редакција

(Фото) Морето од невремето на островот Евија во Грција стана црвено

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница