Во септември се пријавени 7 случаи на ХИВ/СИДА. Од нив регистрирани се 4 нови потврдени случаи на ХИВ и пријавени се 3 случаи со дијагноза на СИДА, стои во билтенот на Институтот за јавно здравство за движењето на акутните заболувања.
-Сите пријавени лица се од машки пол. Две од пријавените лица се регистрирани од Скопје, додека другите 5 се од други градови. Лицата се на возраст од 25-49 години.
Четири од регистрираните лица се хетеросексуалци, две заболени лица се припадници на МСМ популацијата и едно лице е изјаснето како бисексуалец.
Во текот на месец септември не се регистрирани смртни случаи од ХИВ/СИДА.
Согласно постоечката евиденција на пријавени случаи (заклучно со 30.09.2023 година), кумулативниот број на лица регистрирани со ХИВ/СИДА во Македонија, за периодот 1987–2023 година, изнесува 627, и тоа: 123 лица починале, а 504 лица живеат со ХИВ/СИДА, стои во билтенот.