Позициите на Нова демократија во однос на Договорот од Преспа и ставот дека партијата нема да гласа за ратификацијата кога Договорот ќе дојде во грчкиот парламент, му ги пренел Кирјакос Мицотакис на министерот за надворешни работи на Германија, Хајко Мас, соопштуваат од Нова демократија.
Како што јави дописничката на МИА од Атина, Мас се сретна со Мицотакис кусо откако имаше средба со шефот на грчката дипломатија во рамките на неговата посета на Грција.
– Господинот Мицотакис ги повтори позициите на Нова демократија, ставајќи го акцентот на трите елементи име-јазик-националност и потврди дека Нова демократија нема да гласа за Договорот од Преспа кога и да дојде во парламентот, соопштуваат од Нова демократија.
МИА/Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.