Советот на јавни обвинители на денешната 87. седница со по девет гласа „за“ ги избра Зура Селими, Александра Дамјановска – Николоска, Игор Димитровски и Валнеса Бизаки-Дилали, за јавни обвинители во основните јавни обвинителства (ОЈО) во Гостивар, во Скопје и во Струга.
Сите кандидати ја имаат успешно завршено обуката на Академијата за судии и јавни обвинители и почнуваат со работа од 1. ноември годинава.
Во ОЈО Скопје избран е еден јавен обвинител, во ОЈО Гостивар два и во ОЈО Струга еден јавен обвинител.
На огласот за јавно обвинители во ОЈО Гостивар и ОЈО Скопје биле пријавени двајца кандидати, како и во ОЈО Струга, двајца кандидати.
МИА/Фото: Унсплеш
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.