Листата „Александар Вучиќ – Србија не смее да запре“ освои 46,4 отсто од гласовите на вчерашните избори во соседна Србија, или 129 мандати, врз основа на 80,2 отсто преброен гласови.
На второ место е „Србија против насилството“ со 23,3 отсто или 64 мандати.
На трето место е коалицијата на Социјалистичката партија на Србија, со 6,7 отсто или 18 мандати.
Коалицијата НАДА освои 4,8 отсто или 13 мандати.
Над цензусот е и листата „Д-р Бранимир Несторовиќ – ние – гласот на народот“ со 4,8 отсто од гласовите, односно 13 мандати.
Од малцинските листи, Алијансата на Војводинските Унгарци се очекува да има шест мандати, коалицијата на Партијата за правда и помирување и Демократскиот сојуз на Хрватите во Војводина три мандати, СДА Сулејман Угљанин два мандата и по еден листата на Шаип Камбери и Руската партија.
Фото: Вучиќ/Фејсбук