За дочекот на Новата година на градскиот плоштад “Св. Климент Охридски“ во Охрид ќе настапат диџеите Јана Слеј и Багзи, Татијана Стефановска, групата ДНК, Нино Величкоски и групата „Фортуна“, информираа од Општината.
Почетокот е во 21:00 часот.
На 1. јануари следната година точно на пладне пак ќе настапат групата „Балкан џем“ и Драган Мијалкоски.
Новогодишната програма во Охрид ќе започне со „Светот на Биби“ на 28. декември. Наредниот ден на плоштадот ќе се одржи театарската претстава „Ракавиците на Дедо Мраз“, а на 30. декември детската претстава „Далматино и Дедо Мраз“.
На 31 декември на плоштадот ќе биде одржан и музичко – театарскиот спектакл за деца и млади „Новогодишна детска бајка“.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.