еМагазин
Македонија

Референдумот ќе го следат 383 домашни и 286 странски набљудувачи

Референдумот за договорот со Грција на 30 септември ќе го следат 383 домашни и 286 странски набљудувачи, објави Државната изборна комисија на својата веб страница.

Најмногу акредитирани домашни набљудувачи имаат Цивил-Центар за слобода – 282, Националниот ромски центар Куманово – 46 и Инклузива 40, МОСТ ќе го следи референдумот со 12, а Здружението ЕДУЛСЈ со тројца набљудувачи.

Од странските набљудувачи најбројни се на ОБСЕ-ОДИХР – 188, на Амбасадата на САД – 35 и Мисијата на ОБСЕ во Скопје 12 набљудувачи.

Парламентарното собрание на Советот на Европа ќе го следи референдумот со осум набљудувачи, Амбасадата на Велика Британија со девет, амбасадите на Франција, Албанија и Унгарија со по шест, амбасадите на Турција и на Косово со по четири, Меѓународната фондација за изборни системи-ИФЕС и Комитетот за отворена демократија со по тројца набљудувачи, а двајца набљудувачи ќе има невладината организација The Earth Saviours Foundation.

За следење на референдумот се акредитирани и 47 странски новинари.

Рокот за поднесување барања за акредитации за набљудување на референдумот истече ноќеска на полноќ.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Убава вест: Оздравени седуммина заболени од Ковид-19

Редакција

Изјавата на Захариева за Тито е глупост, Скопје за време на „администрацијата“ на Бугарија загуби 5 илјади граѓани, вели Шилегов

Редакција

Две жени од Штип заразени со британскиот сој на Ковид-19

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница