Божиќен концерт со Златните славејчиња и македонските поп-ѕвезди Вера Милошевска, Антониа Гиговска, Ламбе Алабаковски, Димитар Андоновски, Стефан (Некст тајм), Пере (Нокаут) ќе се одржи на 6. јануари (сабота), со почеток во 11 часот на плоштад Македонија во Скопје.
За секое дете што ќе дојде, организаторите, Бадникови поворки, најавуваат дека ќе има Златна божиќна ѕвезда.
„По краткиот концерт, ќе ја оформиме најголемата бадникова поворка и преку Камениот мост ќе се упатиме кон Соборниот храм „Св. Климент Охридски“ каде што традиционално сите коледарчиња ќе бидат пречекани и дарувани од Архиепископот Охридски и Македонски г.г. Стефан.
И во сите останати градови и населени места во Македонија, на 6. јануари ќе ечи „Вечниот Бог“. Децата како симбол на Ангелите, со своите чисти души и искрени насмевки ќе го наговестуваат Христовото Раѓање,“ велат од Бадникови поворки.
Фото: Фејсбук/Бадникови поворки