Утре по пат на електронска продажба со јавно наддавање без утврдена почетна цена, ќе се продава имот на „Бисерка АД“ Куманово, која е во стечај, пренесе државната агенција МИА.
Се продава дел од хотел „Куманово“ со вкупна површина од 349 метри квадратни, со проценета вредност на недвижниот имот која изнесува 24.335.450 денари.
Вториот пакет е продажба на дел од хотел „Кристал“ со вкупна површина од 1.585 метри квадратни, лоциран во Куманово со проценета вредност од 60.981.290 денари.
Ќе се продава и дел од „Ку-ба“, кој има површина од 334 метри квадратни. За овој објект проценетата вредност е 3.158.971 денари.
Аукциите се закажани едноподруго почнувајќи од 10 часот.
Фото: Општина Куманово
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.