HBO на Милош Биковиќ, кој беше исклучен од “White Lotus“, ќе му го исплати целиот хонорар, актерот ќе ги донира парите

HBO на српскиот актер Милош Биковиќ, кој беше исклучен од снимањето на третата сезона на серијата “White Lotus“, ќе му го исплати целиот хонорар, а актерот најави дека ќе ги донира парите на млади за нивно школување и професионално усовршување.

Тој требаше да се појави во шест од вкупно осум епизоди од новата сезона на серијата.

“Како што кажав претходно, за мене беше извонредна чест што бев поканет да работам со Мајк Вајт во ваква серија. Мојот мотив за учество во ваков проект беше чисто актерски и уметнички предизвик.

Бидејќи тоа нема да се оствари, сакам хонорарот што ќе го заработев да го насочам кон оние што утре ќе не претставуваат во светот“, изјави Биковиќ за „Блиц“.

ПОВРЗАНИ ВЕСТИ

Српскиот актер Биковиќ исклучен од снимањето на серијата „Белиот лотус“ – „обвинет“ дека е на руска страна во војната со Украина

Фото: Фејсбук/Биковиќ