Функционерите од април годинава нема да добијат ново покачување на платите за 15%.
Денеска во македонското Собрание беше усвоен пакетот од шест закони, со кои засега се стопира ново поголемо покачување на платите на функционерите.
Сепак тие ќе добијат помало покачување на платите, од 500 до 2.000 денари.
Минатогодишното зголемување на платите од 78% останува.
Со овие законски измени се опфатени околу 1.060 избрани и именувани лица како што се претседателот, пратениците, министрите, судиите, јавните обвинители, членовите на Судскиот совет и на Советот на јавни обвинители.
За платите на функционерите пак кои се именувани директно од Владата и не се опфатени со законските измени, се разгледува законска можност за интервенција со владина одлука.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.