Владата на РМ на денешната седница меѓудругото ќе ја разгледа и информацијата за реализација на проектите: „Бесплатен викенд за млади лица до 27 години за превоз во железнички сообраќај“, „Бесплатен четврток за студенти во железнички патнички сообраќај“, „Средношколска среда“ и „Бесплатен викенд за стари лица во железнички патнички сообраќај“, за 2018 година.
Колку и да е убава идејата на Владата да го заживее железничкиот транспорт со овие мерки се чини дека го утна денот за да решавата по овие прашања, бидејќи железничкиот сообраќај Велес-Гевгелија од денеска ќе биде во прекин поради појавени деформации на бетонски мост што се наоѓа помеѓу станица Градско и крстосница Кукуричани.
Како што соопштија од МЖ Транспорт, прекинот ќе трае до завршување на санацијата на дефектот.
Во меѓувреме, возовите кои сообраќаа на релација Скопје-Гевгелија и Гевгелија-Скопје, ќе сообраќаат само до Велес и обратно.
Така што, доколку набргу не се санира мостот, младите и пензионерите ќе можат бесплатно да се повозат со воз само до Велес и обратно.
Фото: Министерство за транспорт и врски
ПОВРЗАНИ ВЕСТИ
Се распаѓа железницата: Во прекин сообраќајот Велес-Гевгелија, попуштил мост