Новиот директор на Клиниката за токсикологија, Андон Чибишев откри дека 18. вработени кои добија ангажман од поранешната директорка Бесија Иљази повеќе не работат на Клиниката.
Лицата работеле со незаконски договори и со тоа внесувале немир помеѓу вработените и незаконски престојувале во институцијата со невалидни договори и довивале плата.
„Со тоа Буџетот на Клиниката е оштетен за околу 650 илјади денари. Секој денар ни е важен. Целиот случај го документирав и ќе биде процесуиран пред надлежните институции, кажа новиот директор на прес-конференција, додавајќи дека повеќе нема да има „каубојски“ вработувања и ќе се вработува сите според законите на државата, односно преку конкурс.
ПОВРЗАНИ ВЕСТИ
Каков имот пријавил Андон Чибишев, новиот директор на Токсикологија
Каков имот пријавила Бесија Иљази, директорката на Токсикологија