Поранешниот министер за економија, Крешник Бектеши заработил кривична пријава од охридската Полиција, објави телевизијата Телма.
Тој е осомничен за делото “попречување на правдата”, извршено ден пред парламентарните избори, а информацијата е објавена во билтенот на Министерството за внатрешни работи (МВР).
Бектеши според полицијата упатувал пораки на полициски началник од Охрид, а поврзано со полициски активности по пријавени сомнежи за изборни нерегуларности. Полицијата проверувала наводи за злоупотреба на лични податоци односно за прибирање податоци од избирачи, а началникот добил порака од министерот Бектеши.
Три и пол месеци подоцна МВР поднела кривична за Бектеши, објави телевизијата.
ПОВРЗАНИ ВЕСТИ
(Фото) Бектеши потврди дека му пратил порака на охридскиот началник, ја објави пораката
Фото: МЕ