Во раните утрински часови денеска (03.05 часот) во скопската населба Ѓорче Петров било опожарено возило мерцедес А класа.
Интервенирала и Бригадата за противпожарна заштита – Скопје, а од пожарот биле зафатени и моторни возила ‘хјундаи’ и ‘сузуки свифт’ во делот на браниците и ретровизор, информираа од Министерството за внатрешни работи (МВР).
Од МВР велат дека возилото било во сопственост на правно лице, а повеќе медиуми јавија дека истото е во сопственост на Драган Митковски, кој важи за еден од најблиските соработници на градоначалничката на Скопје, Данела Арсовска.
Тој на последните избори беше и носител на листа од редовите на нејзината партија, а медиумите шпекулираат дека односите помеѓу нив биле заладени.
Фото: Фејсбук/Митковски
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.