Денеска во Собранието со 67 гласови „за“, седум против и без ниту еден воздржан е усвоен ребалансот на буџетот за годинава.
Со него вкупните приходи се планирани на 318,2 милијарди денари, што е 2,6 проценти повеќе во однос на иницијалните проекции, вкупните расходи се планирани на 362,8 милијарди денари или за 5,6 проценти повеќе во однос на иницијалните проекции, капиталните расходи се планирани во висина од 44,7 милијарди денари, а дефицитот е планиран на ниво од 44,7 милијарди денари, односно од иницијално планираните 3,4 проценти на 4,9 проценти од бруто-домашниот производ.
Опозициската СДСМ и коалицијата не го подржа ребалансот, а пратениците на опозицискиот „Европски фронт“ ја напуштија седницата, зошто од дневен ред беше симнат Предлог-законот за изменување и дополнување на Законот за игрите на среќа и за забавните игри, во прво читање.