Лидл имале проблеми со претходната влада, тврди македонскиот премиер Христијан Мицкоски, кој имаше средба со дел од менаџментот на компанијата.
Според него од менаџментот споделиле дека тие имале бројни потешкотии и административни бариери од претходната Влада, а Мицкоски најави дека на брза трака ќе го стави процесот и дека за брзо време ќе има отварање на маркети на Лидл.
Лидл во 2021 година најави влез на македонскиот пазар. Со инвестирање започна пред една година.
Пред завршување е маркетот во Битола, во Скопје почна да се гради, во Куманово се гради логистичко дистрибутивниот центар, а маркети компанијата официјално планира и во Штип, Тетово, Кичево и Кавадарци.
Проценките се дека сите маркети ќе бидат отворени заедно следната или наредната година, како што прави германскиот ланец и во други земји, а во Македонија влегува преку бугарската фирма ќерка.
ПОВРЗАНИ ВЕСТИ
Лидл ќе почне да го гради првиот маркет во Скопје, урнат објектот на „Бриколаж“
(Видео) Лидл ќе има два маркети во Штип
ЕКСКЛУЗИВНО Лидл купи парцели и во Тетово и Кичево
Фото: Влада