Портпаролот на владејачката коалиција „Вреди“, Фари Хисени вели дека не гледа ништо лошо во свадбените обичаи на еден народ, одговарајќи на прашањето дали претседателот на Собранието, Африм Гаши требало со службено возило и обезбедување да оди по невеста во Косово.
Според него, Гаши немал избор и морал секаде да оди со службено обезбедување, и оттука, одењето по невеста е според закон.
„Станува збор за второ лице на државата. Законските прописи го регулираат тој момент.
Претседателот на Собранието, каде и да отиде, неопходно е да биде во придружба на обезбедувањето. Така што и во конкретниот случај самата постапка не е надвор од законските и е во хармонија со тој стандард“, вели Исени.
ПОВРЗАНИ ВЕСТИ
(Видео) Гаши со семејството патувал со обезбедување на свадба во Косово
Фото: Гаши/Фејсбук