Од Центарот за управување со кризи (ЦУК) информираа дека вчера имало вкупно 39 пожари на отворен простор.
Од нив, сѐ уште активни се пет пожари, а под контрола е еден.
Гори мешана шума на планината Мукос, кај селото Степанци и место викано „Кациица“, на граница меѓу општините Долнени и Чашка.
Се уште гори и ниска вегетација и нискостеблеста шума во Општина Студеничани, над селото Црвена Вода, кај место викано „Крста“.
Ниска вегетација гори и меѓу селата Горно Количани и Љубош во Општина Студеничани.
Нискостеблеста шума и сува трева горат меѓу селата Едеклерци и Хаџи-Хамзали на територијата на Општина Штип.
Активен пожар има и во општина Лозово, кај селата Дурфулија и Каратманово, каде гори борова шума.
Под контрола е пожарот на планината Галичица, на територија на општините Охрид и Ресен.
Фото: Игор Бансколиев