Во периодот од 9 до 15. септември во Македонија се пријавени четири починати лица асоцирани со Ковид-19, од Скопје (2), Битола и Тетово, информираат од Институтот за јавно здравје.
Сите починати лица се на возраст над 70 години, три од нив се починати во болнички услови, а кај три лица се регистрирани коморбидитети. Сите лица се невакцинирани против Ковид-19.
Во овој период се регистрирани 57 нови позитивни случаи, со намалување од 48,6% во однос на претходната недела.
Најголем дел од регистрираните случаи се од Скопје (n=39; 68,4%), a највисока инциденца е регистрирана во Делчево (14,7/100.000).
Регистрирани се заболени лица во сите возрасни групи, со најголем број на случаи пријавени во возрасната група над 60 години (n=21; 36,8%).
Во текот на минатата недела (09-15.09.2024) со статус „оздравени“ се стекнале 107 лица.
Фото: МЗ