Во периодот од 23 до 29. септември регистрирани се две починати лица асоцирани со Ковид-19, информираат од Институтот за јавно здравје.
Лицата се од Демир Хисар и Охрид, од возрасната група над 65 години.
Тие биле вакцинирани со 2 и 3 дози против Ковид-19 (поминати 3 години од последната доза на вакцина), со регистрирани коморбидитети.
Едното позитивно лице е починато во болнички, а другото во домашни услови.
Минатата недела се регистрирани 45 нови позитивни случаи, со намалување од 29,7% во однос на минатата недела.
Најголем дел од регистрираните случаи се од Скопје (n=25; 55,6%), a највисока инциденца е регистрирана во Демир Хисар (13,8/100.000).
Регистрирани се заболени лица во сите возрасни групи, со најголем број на случаи пријавени во возрасната група над 60 години (n=24; 53,3%).
Во текот на минатата недела со статус „оздравени“ се стекнале 68 лица.
Фото: МЗ