Момче на возраст од 15 години доцна синоќа извршил терористички напад на полициската станица во Босанска Крупа, Босна и Херцеговина.
Убиен е полицаецот Огњен Маран од Босански Нови, а ранет е Авдо Хасановиќ, полицаец од Босанска Крупа, пренесуваат босанските медиуми.
Момчето влеголо во полициската станица и прво со нож го нападнал Маран, кој веднаш им подлегнал на повредите, а потоа Хасановиќ, кој се здобил со повреди и е пренесен во кантонската болница „Д-р Ирфан Љубљанкиќ“, каде е во стабилна состојба.
Порталот Кликс објави дека пред нападот на полициската станица, момчето испраќало чудни пораки до познаници, збогувајќи се со нив. Оние кои го познавале велат дека бил склон кон верски екстремизам.
Видео: БХРТ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.