Сашо Мијалков, поранешниот прв човек на Управата за безбедност и контраразузнавање (УБК) и неговиот брат Владимир Мијалков од страна на Македонската православна црква – Охридска архиепископија (МПЦ ОА) се одликувани со орденот „Свети Николај“.
За нивниот ктиторски придонес во изградбата на црквата „Свети великомаченик Димитриј“ во штипско Ново Село, ордените им го додели брегалничкиот митрополит Иларион.
Мијалков пред неколку месеци предвреме излезе од затворот во Струга, каде што ја отслужуваше казната за случајот „Империја“.
Беше обвинет и во неколку случаи на поранешното Специјално јавно обвинителство, од кои дел застареа, а во дел беше ослободен.
ПОВРЗАНИ ВЕСТИ
Мијалков е слободен човек, излезе од затвор
Сашо Мијалков ослободен за „Трезор“, случајот за набавка на опрема за следење од Британија
Фото. Брегалничка Епархија/фејсбук
