Девојче на возраст од пет години починало на Клиниката за детски болести пред три дена.
Телевизијата Сител пренесе дека починало од воспаление на мозокот, а на Клиниката било хоспитализирано пред две недели поради силна главоболка.
Првично било лекувано на Одделот за неврологија, а минатата недела состојбата ѝ се влошила и ја префрлиле на Одделот за интензивна нега, каде ѝ била направена и интубација.
Како што велат од Клиниката за телевизијата, и покрај сите напори, медицинскиот кадар не успеал да го спаси девојчето, кое развило менинго-енцефалит.
Засега нема информации каде било лекувано пред да биде донесено на Клиниката.
Од Државен санитарен и здравствен инспекторат најавија дека за случајот ќе извршат вонреден инспекциски надзор.
За еден месец ова е трет смртен случај на дете на Клиниката за детски болести.