Американскиот претседател во заминување, Џо Бајден ѝ дозволи на Украина да ја гаѓа Русија со американско оружје со долг дострел, објавија американските медиуми.
Најверојатно станува збор за користење на ракетите од Армиски тактички ракетни системи (АТАЦМС), кои имаат домет од околу 300 километри.
Досега Украина имаше дозвола од САД да користи американско оружје само за одбрана од руската офанзива во источниот украински град Харков. За таму Бајден одобри употребата на системот за ракетни фрлачи од типот Химарс со дострел од околу 80 километри.
Засега нема реакции од врвот во Русија, а тамошни политичари предупредија на ескалација на војната и трета светска војна и се надеваат дека новиот американски претседател Доналд Трамп ќе ја промени оваа одлука.
ПОВРЗАНИ ВЕСТИ
Ако Украина ја нападне Русија со американски проектили, Москва тоа ќе го смета за напад од САД
Фото: Руско МО