Вредноста на синдикалната минимална кошница за ноември 2024 година изнесува 62.021 денари, додека со изнајмен стан од 60 м² достигнува 77.396 денари, соопшти Сојузот на синдикатите на Македонија (ССМ).
Во споредба со октомври, вредноста на кошницата е зголемена за 772 денари.
Сојузот истакнува дека зголемувањето на цените, особено на храната и пијалаците, ја оптоварува работничката класа и го поставува прашањето за општествената одговорност на трговците. И покрај мерките на Владата за намалување на цените, трговците ги зголемиле цените по нивното истекување, што довело до зголемување на вредноста на кошницата, посочуваат од таму.
Во споредба со јануари 2024 година, кошницата за ноември е зголемена за 8,5%, а трошоците за храна и пијалаци за 7,9%.
ССМ бара од Владата поголема ригорозност во надзорот на трговските практики и казни за нефер однесување.
Фото: Unsplash