Следниот викенд на 30. ноември во Солун, Грција, ќе биде пуштена воведната линија од 9,6 километри од метрото, кое почна да се гради во 2003 година, пренесуваат грчките медиуми.
Го градеше конзорциум од грчката компанија Актор, италијанската Уибилд и јапонската Хитачи рејл.
Изградбата доцнеше од бирократски причини, но и поради тоа што при пробивањето на тунелите беа пронајдени над 300.000 археолошки наоди. Градежниците открија и сообраќајница од римската ера, антички грчки гробни места, системи за вода и за одводнување, мозаици…
Тунелите на метрото требаше да бидат пробиени на поголема длабочина од првично планираното, за да може се зачуваат античките откритија, а тоа ги зголеми трошоците и дополнително придонесе проектот да доцни.
Клучните пронајдени артефакти се изложени долж подземната мрежа од 13 станици.
Цената на метрото досега достигна 3 милијарди евра за завршената прва линија и за поголемиот дел од втората линија, која е во изградба, и треба да биде завршена за една година.
Возовите нема да користат возачи.
Фото/видео: ANA-MPAwebTV
Важно известување
Посети ја новата страница