Утре во Скопје ќе се одржи протест за чист воздух. Протестниот марш ќе започне во 16 часот од пред Министерство за животна средина, ќе се продолжи преку Собрание и ќе заврши пред Влада.
„Протестираме бидејќи секоја година од 3.828 до 5.000+ луѓе во Македонија ги губат своите животи како директна последица на изложеноста на штетните честички PM2.5. Ова претставува 17,7% од вкупната смртност во државата. Особено загрижувачки е фактот дека едно од девет починати деца под една година го губи животот поради загадениот воздух.
Бараме од надлежните институции итно и системско справување со загадувањето на воздухот преку имплементација на овие ефикасни мерки кои ќе го заштитат здравјето на граѓаните и драстично ќе го намалат аерозагадувањето,“ велат организаторите Зелен хуман град, Шанса за Центар, Skopje smog alarm, O2 Иницијатива, Зелените од Гази Баба, Иницијатива за ослободување од еднократна пластика НаТочак, Биди Зелен, Слобода на говорот.
Предлог мерките може да се прочитаат ОВДЕ.
Фото: Игор Бансколиев