Денеска беше пуштен во употреба на експресен пат Куманово (Страцин) – Крива Паланка на Коридор 8.
Изградбата на експресен пат Крива Паланка – Длабочица – Страцин (Чатал) започна во мај 2018 година и е во должина од 25,55 километри.
Инвестициона вредност за изградба е во вкупно вредност од 93,7 милиони евра од кои 80,20 милиони евра се финансира со средства од Светска Банка и грант средства 13,50 милиони евра.
Експресниот пат се градеше во две фази.
Лот 1 делница, Длабочица – Страцин (Чатал) во должина од 15.55 километри. Инвестициона вредност на изградба е 43,75 милиони евра, финансиран со средства од Светска Банка и грант средства.
Лот 2 делница, Крива Паланка – Длабочица во должина од 10 километри. Инвестициона вредност на изградба е 50,54 милиони евра, финансиран со средства од Светска Банка и грант средства.
Со пуштањето на експресниот пат од Страцин до Крива Паланка, патувањето од 30 минути се крати на 10 минути, а од Крива Паланка до Куманово наместо еден час ќе се патува за 40 минути.
Фото: Влада