Министерствата имаат 2.215 возила вредни 27,2 милиони евра, покажува базата на податоци на Центарот за граѓански комуникации.
Убедливо најмногу возила поседува МВР – 1.559, односно 70 проценти од возилата на министерствата. Следни се оддбрана со 142 возила и земјоделство со 108 возила.
И централната и локалната власт најмногу возат „шкоди“, „фолксваген“ и „форд“.
Сепак, сите пет најскапи возила се „мерцедеси“ купени од министерствата за внатрешни работи (572.780 евра), за надворешни работи (81.301 евра) и за финансии (76.768 евра), како и општините Свети Николе (77.839 евра) и Кавадарци (70.075 евра).
Просечна цена на купените патнички возила е 16.690 евра кај Владата. Просечна старост на возилата е 12,5 години. Најмлад возен парк имаат министерствата за локална самоуправа и за животна средина, во просек по 8,5 години, додека најстари возила имаат министерствата за правда и за информатичко општество, просечно по 16 години.
ПОВРЗАНИ ВЕСТИ
Кое од министерствата потрошило најмногу пари за автомобили, „мерцедес“ не купило само МВР