Од вечерва на полноќ за половина денар се зголемува цената на бензинот Еуросупер 95, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Новата цена на Еуросупер 95 ќе биде 79,5 денари по литар.
Цените на бензинот Еуросупер 98 и дизелот остануваат исти. Еуросупер 98 и понатаму ќе се продава за 81,5 денари по литар, а на дизелот за 73 денари по литар.
Со новата одлука на РКЕ, се зголемува и цената на Екстра лесното масло за 1 денар, и тоа ќе се продава за 73 денари по литар.
Мазутот исто така поскапува за 0,5 денари, а новата цена е 48 денари по килограм.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.