Македонија испиша историја на Европското првенство во ММА, кое се одржа во Белград, Србија! Македонскиот репрезентативец Марко Трајаноски, член на клубот “Д Стронгест” Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА, информираа од Федерацијата на Македонија за ММА.
-Трајаноски беше доминантен во секој дуел на патот кон златото, освојувајќи четири победи против Бугарија, Романија, Украина и Италија за само еден ден.
Овој подвиг е огромен чекор за македонскиот ММА и потврда дека нашите борци се меѓу најдобрите во Европа. Успехот на Трајаноски е само почетокот на уште поголеми достигнувања за Македонија на меѓународната сцена!, велат од таму.
Фото: Федерацијата на Македонија за ММА