Нов претседател на Надзорниот одбор (НО) на Македонијатурист АД Скопје е Горан Марковски, информираа од таму преку Македонската берза.
Тој доаѓа на местото на Доне Таневски.
Марковски е главен извршен директор на КБ Инвест. Тој е Магистер по економски науки, а освен на Економскиот факултет при Универзитетот „Кирил и Методиј“ во Скопје, се образувал и на американскиот CFA Institute Charlottesville Virginia и е овластен финансиски аналитичар.
Тој беше предлог на акционерот Чезакомерц.
ПОВРЗАНИ ВЕСТИ
Македонијатурист доби нов Надзорен, Доне Таневски не е повеќе претседател
Нови членови на НО, освен Марковски се и Горазд Поповски, независен член, Сашко Бошков и Олга Павлова.
Хотелското друштво има вкупно десет објекти, од кои повеќето хотели. „Холидеј ин“, „Бест вестерн“, „Белви“ и „Карпош“, кои работат, и затворените – „Бристол“, „Јадран“, „Водно“ и „Сарај“.
ПОВРЗАНИ ВЕСТИ
Колкав надоместок ќе земаат новите членови на Надзорниот одбор на Македонијатурист