Од вечерва на полноќ се намалуваат цените на бензините Еуросупер БС-95 и Еуросупер-98 за 1 денар, а на Еуродизелот (Д-Е V) за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Со одлуката, цената на Еуросупер БС-95 ќе биде 79 денари за литар, а на Еуросупер-98, 81 денари за литар.
Дизелот ќе се продава за 73,50 денари за литар.
За половина денар се намалува и цената на Екстра лесното масло за домаќинство на (ЕЛ-1) и истото ќе се продава за 73 денари за литар.
Цената на Мазутот М-1 НС, се намалува за 0,012 денари за килограми, а истиот ќе се продава за 46,178 денари за килограм.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.