Потребни се порадикални мерки, вклучувајќи воведување на даноци за засладени пијалаци, забрана за рекламирање на нездрава храна и јасни регулативи за обележување на преработените производи, со цел потрошувачите да носат информирани одлуки, предлагаат од Институтот за јавно здравје (ИЈЗ) за справување со дебелината.
Од таму укажуваат дека зголемената потрошувачка на преработена храна, агресивното рекламирање и ниската физичка активност придонесуваат кон растечката криза за овој проблем.
„Во Македонија, како и во многу други земји, дебелината е резултат на економски промени, маркетиншки стратегии насочени кон нездрава храна и сè поседечкиот начин на живот. Ги повикуваме надлежните институции итно да преземат системски мерки за да се спречи оваа епидемија“, велат од ИЈЗ.
Според податоците на Институтот, 30,4% од децата на возраст од 6 до 9 години имаат прекумерна тежина, а 13,8% од нив страдаат од дебелина. Дополнително, 4,4% од децата се со екстремна дебелина, што претставува алармантен проблем.
Експертите истакнуваат дека дебелината не е само прашање на личен избор, туку сериозна болест што ја зголемува веројатноста за срцеви заболувања, дијабетес и рак. Поради тоа, таа мора да стане приоритет во здравствените политики и да се третира како хронично заболување, соодветно на нејзиното влијание врз јавната здравствена состојба
ПОВРЗАНИ ВЕСТИ
35% од луѓето во Македонија се дебели, за прв пат 25 пациенти ќе може да се оперираат од обезност
Фото: Унсплеш