Денеска заврши распитот на таткото на 14-годишната Вања Ѓорчевска, Александар Ѓорчевски, еден од обвинетите за нејзиното грабнување и убиство.
Тој меѓудругото кажа дека на нејзиниот телефон денот кога исчезнала, пратил две смс-пораки во периодот од 13 до 15 часот, кога во неговиот дом веќе имало инспектори.
Првата порака гласела: „Ќе направиме сѐ што ќе побарате, само пуштете ја“, а подоцна се сетил дека не ја потпишал истата и пратил уште една порака со содржина: „Од родителите“.
Тој објаснуваше и како со неговиот пријател Гоце Трајковски, кој веќе сведочеше, преку снимки ги поврзале двете возила со кои беше грабната Ѓорчевска и посочи дека „цитроенот„ бил сомнителен.
„Тоа што беше сомнително кај ‘цитроенот’ од другите коли е што возеше многу бавно и испушташе многу чад, беше замаглено и хаубата му беше замрзната“, рече меѓудругото Ѓорчевски.
ПОВРЗАНИ ВЕСТИ
Таткото на Вања е неправедно обвинет, кажа Палевски на денешното рочиште