Во пресрет на Велигденските празници, вработените на ЕВН Македонија организираа донаторски настан под мотото „Од нас за Кочани“ на кој се приклучија и вработените на Електродистрибуција, информираат од таму.
Целта на организацијата беше собирање на средства за настраданите од пожарот во Кочани.
Настанот се одржа во просториите на дирекцијата на ЕВН Македонија. Дел од вработените подготвија вкусни домашни велигденски специјалитети кои беа купувани од страна на останатите колеги со цел понатамошна донација на средствата.
Ова е втор донаторски настан од вработените на ЕВН Македонија. Првиот се организираше за време на новогодишните празници минатата година, посочуваат од таму.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.