Цените на бензините Еуросупер БС-95 и Еуросупер БС-98 од вечерва на полноќ се зголемува за половина денар, а на Еуродизелот (Д-Е V) се намалува за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).
Цената на Еуросупер БС-95, со новата одлука ќе биде 73,50 денари за литар, цената на Еуросупер БС-98, 75,50 денари за литар, а на дизелот, 64,50 денари за литар.
Цената на Екстра лесното масло за домаќинство на (ЕЛ-1), не се менува, и истата останува 65 денари за литар.
Цената на Мазутот М-1 НС, се намалува за 0,592 денари за килограм и истата сега ќе изнесува 35,450 денари за килограм.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.