На 24.10.2018 година во 21,20 часот на надвозникот над автопатот Гевгелија – Скопје во правец кон село Прдејци, гевгелиско, полициски службеници забележале товарно моторно возило „Ивеко“ со скопски регистарски ознаки кое по дадена сигнализација се упатило кон стариот пат село Прдејци – село Смоквица, по што нагло сопрело и возачот се дал во бегство, информира МВР.
По ивршениот преглед констатирано е дека во возилото на кое биле ставени регистарски онаки од друго возило, се наоѓале 46 мигранти и од Пакистан, Иран, Сирија, Ирак и Авганистан. Се преземаат мерки за расчистување на случајот.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.