На 25.10.2018 година во 16.00 часот во Полициската станица Ѓорче Петров, Р.Т.(67) од село Волково, скопско, пријавила дека истиот ден околу 12.30 часот непознат сторител ја измамил за 8.000 денари, информира МВР.
Сторителот дошол до дворот и на неа и нејзиниот сопруг Р.Т. им понудил огревни дрва по цена од 2.500 денари од метар кубен. После тоа, нејзиниот сопруг со сторителот заминале да ги видат дрвата.
Кога стигнале, лицето му кажало на Р.Т. да го почека малку и дека бргу ќе се врател. Потоа, лицето отишло кај пријавителката и и кажал дека се договориле со нејзиниот сопруг и дека треба да му даде 8.000 денари. Сторителот ги зел парите и заминал, а откако Р.Т. се вратил дома заклучиле дека биле измамени. Се преземаат мерки за расчистување на случајот.
Ова е само еден од низата случаи на слични измами со огревно дрво во изминативе месеци.