Пратеничката на ДОМ, Маја Морачанин е новиот претседател на ДОМ.
Таа беше избрана едногласно на Четвртиот конгрес на партијата, на кој присустуваа 300 делегати, а таа доаѓа на местото на Лилјана Поповска.
На Конгресот беше избран и новиот состав на Централен и Надзорен одбор на ДОМ.
Беа избрани и четири потпретседатели на ДОМ, Мирослав Богдановски, Бети Дејанова, Христа Најданов и Ана Петровска. За секретар на ДОМ е избран Љупчо Јаневски.
На конгресот присуствуваа претставници на Владата, пратеници, претставници од политичките партии од Македонија (СДСМ, ВМРО-ДПМНЕ, ЛДП, Демократски сојуз, Обединети за Македонија, ВМРО-НП, ПЦЕР, ПОЕН, Демократски сојуз на Власите, Демократски сили на Ромите, Партија на пензионерите, ПЕП 21), од зелените партии од Грција, Бугарија и Србија, претставници од невладиниот сектор и од дипломатскиот кор…
Фото: Фејсбук/Морачанин