Картите од продажбата за претставата „Не се клади на Енглези“ ќе бидат за помош за Сара

Македонскиот народен театар и во ноември ќе има хуманитарна претстава за помош на Сара Настеска од Охрид кај која е дијагностицирана Anemia aplastica, болест за чие лечење е неопходна трансплантација на коскената срж.

„Македонскиот народен театар и екипата на претставата „Не се клади на Енглези“ во режија на Синиша Евтимов, а во која играат Сашко Коцев, Оливер Митковски и Александар Микиќ, одлучија средствата добиени од изведбата на 11 ноември 2018 година да бидат уплатени на сметката на Сара Настеска“, информираат од МНТ.

Цената на билетот е 500 денари, а може да се купи и онлајн, ОВДЕ.

Апелот за помош во јавноста го испрати семејството Настески, а нивниот 13-годишен син Виктор е единствен сроден донатор на коскена срцевина за Сара. Македонскиот народен театар сочувствува со загриженоста на семејството Настески и посакува успех на донаторската акција и на оперативниот зафат на младата Сара Настески.

ПОВРЗАНИ ВЕСТИ

Општина Дебрца покажа како се може: Советот едногласно изгласал парична помош за Сара

Ирена Ристиќ до градоначалникот на Охрид: Еве како може да изгледа Одлуката за помош на Сара

СРАМОТА: Советниците од Општина Охрид не дадоа помош за нивната сограѓанка Сара

(Фото) Дечиња од Охрид, од врата на врата собираат пари за Сара, а кон акцијата се приклучи и такси-компанијата Де лукс

Виктор треба да и донира на Сара коскена срцевина: Потребни се пари за операција во Германија