Групацијата Топлификација за периодот јануари-септември 2018 година оствари нето добивка по оданочување во износ од 2.145.000 денари, соопшти компанијата преку Македонската берза.
„Вкупните приходи се во износ од 123.926.000 денари за деветомесечието од 2018 година. Вкупните приходи се состојат од приходи од продажба, останати оперативни приходи и финансиски приходи. Приходите од продажба во износ од 54.280.000 денари се приходи кои произлегуваат од договорот за закуп на опремата за производство на топлинска енергија, приходи од продажба на топлинска енергија, приходи од проекти.
Останати оперативни приходи се во износ 13.073.000 денари и истите во најголем дел се приходи од наплата на побарувања за топлинска енергија. Финансиските приходи во износ од 56.572.000 денари се приходи од камата на побарувања по однос на дадени заеми и побарувања по однос на продадена топлинска енергија“, соопшти компанијата.