Амбасадорот на Руската Федерација во Македонија, Сергеј Баздникин заедно со Владимир Хрисанфов, советник за економски и трговски прашања во амбасадата и во придружба на Дејан Бешлиев, извршен директор на Македонско-руската стопанска комора денес ја посетија фармацевтската компанија „Реплек фарм“ во Скопје.
Во разговорите со генерален манеџар на компанијата Иван Туџаров, и неговите соработници, беше потенцирана одличната соработка на „Реплек Фарм“ со четрите руски партнери, кои пласираат 20 видови на лекови произведени во земјава и лиценцирани за продажба на рускиот пазар.
– Во процес на лиценцирање се наоѓаат уште девет производи кои наскоро ќе се најдат во руските аптеки. Законскиот рок за лиценцирање се движи помеѓу една до две години, но понекогаш тој рок е и подолг.Таквата состојба го успорува извозот на компанијата на овој пазар, кој ни е најзначаен во нашата делова стратегија. Ние четири-петтини од производството го пласираме на странските пазари, лековите патуваат во 26 земји, а најголем дел од извозот го релизираме токму во Руската Федерација и во земјите од Евроазиската Унија – рече Туџаров.
„Реплек Фарм“ секоја година го зголемува пласманот во Руската Федерација од 10 до 15 отсто и постојано се грижи да ги исполни строгите услови и стандарди за извозот во оваа земја.
– Во рамки на нашите надлежности, ќе се обидеме да и помогнеме на компанијата во процесот на регистрацијата да се почитуваа законски предвидениот рок и норми во Руската Федерација со цел да се одржува и зголемува нејзиниот пласман на лекови, а на задовоство на нашите граѓани – порача Баздникин.
Фото: Македонско-руска стопанска комора