Утрово на 81 годишна возраст почина Љубиша Георгиевски, театарски и филмски режисер, драмски писател, теоретичар на театарот и професор по театарска режија и актерска игра.
Љубиша Георгиевски е роден на 30 мај 1937 година во Битола.
Добитник е на повеќе од дваесетина награди во рамките на поранешна Југославија, како и наградата од критиката за претставата „Искушение” од Вацлав Хавел во Theater Center како најдобра претстава на театарската сезона.
Неговите пиеси „Црна” и „Јованка Орлеанска” се играни со успех, а некои од нив сè уште се на репертоарот.
На претседателските избори во 1994 година Георгиевски беше претседателски кандидат на ВМРО-ДПМНЕ.
Од 2000 до 2004 година беше вонреден и ополномоштен амбасадор на Република Македонија во Бугарија.
Од 2006 до 2008 година беше претседател на Собранието на Република Македонија.
Веста за смртта на Георгиевски, на својот Фејсбук профил ја соопшти актерот, Роберт Вељановски.
Фото: ТВ Нова